Olivia Culpo është një nga modelet më të njohura në ‘Hollywood’. Ky vit, ka qenë po aq i suksesshëm sa dhe i ‘keq’ për të, pasi pavarësisht se ka arritur majat në karrierën e modelingut, jeta e saj private nuk ka shkuar aq mirë. Ajo u nda nga i dashuri i saj pas një lidhje disavjeçare, për shkak të një tradhtie dhe që atëherë, Olivia-s i është dashur të luftojë me depresionin. Modelja ka ndarë me ndjekësit e saj momentet e vështira, kur nuk kishte gjumë, nuk kishte uri dhe pinte alkool dhe cigare pafund, por në të njëjtën kohë, pozonte në rrjete sociale si të mos kishte ndodhur asgjë. Fatmirësisht, me ndihmën e duhur, Olivia ia kishte dalë të dilte nga kjo gjendje dhe si një person me influencë, vendosi të inspironte të gjithë personat që po kalojnë diçka të ngjashme me postimin e fundit në ‘Instagram’. Sipas saj, rrjetet sociale janë një gënjeshtër e madhe që na bën të besojmë se të gjithë të tjerët janë perfekt, apo kanë një jetë perfekte, por në fakt të gjithë jemi shumë të ngjashëm me njëri-tjetrin./revistawho.com
https://www.instagram.com/p/BzyOrV6nFrc/?igshid=1agoiodr0cze2
