Modelja Bar Rafaeli ka ndarë me fansat lajmin e bukur se po pret fëmijën e dytë. Rafaeli postoi një foto në Instagram ku duket barku i rrumbullakosur. “Dikush po vjen”, -shkruajti modelja. Bar Rafaeli është e martuar me biznesmenin Adi Ezra. Në gusht të vitit të kaluar ata mirëpritën në jetë fëmijën e tyre të parë, vajzën Liv. Në një intervistë me revistën Hello në 2015-ën, modelja u shpreh se familja është gjithçka për të dhe se dëshiron shumë fëmijë. “Unë vij nga një familje me 4 fëmijë. Mamatë do e lexojnë këtë dhe do thonë: “Provo një herë të lindësh një, pastaj flasim”, por unë dua një familje të madhe”, -Rafaeli./revistawho.com
