Modelja e njohur, Heidi Klum dhe I partneri i saj, Tom Kaulitz, shpallën fejesën e tyre në 24 dhjetor, megjithatë duket se çifti nuk ka ndërmend të qëndrojë shumë me këtë status. Sipas raportimeve, Heidi dhe Tom kanë filluar të merren me organizimin e dasmës së tyre, e cila thuhet se do të jetë gjermane, duke qenë se të dy janë gjermanë. ‘Life&Style’ shkruan se dasma do të jetë 1 milionë dollarëshe, me shumë gatime tradicionale gjermane dhe sipas burimeve, Tom ka filluar të shkruajë betimet e tij. “Heidi është shumë e emocionuar. Nuk pushon së foluri për Tom dhe se sa perfektë janë ato për njëri-tjetrin”, është shprehur një burim I afërt me modelen. Ai gjithashtu ka zbuluar se Heidi do të jetë e veshur e gjitha e bardhë ditën e madhe, duke mos iu larguar tradicionales. Askush nuk di ende një datë ekzakte se kur do ta shohim ceremoninë, megjithatë jemi ende në pritje të detajeve të reja./revistawho.com
https://www.instagram.com/p/BwBJXFxjHFR/
