Modelja e njohur kanadeze Linda Evangelista zbuloi se pesë vite më parë u diagnostikua me kancer në gji dhe iu nënshtrua mastektomisë së dyfishtë.
58-vjeçarja tha kanceri i saj u zbulua gjatë një kontrolli të rregullt në vitin 2018, por ajo foli vetëm tani.
“Rezultatet nuk ishin të mira dhe për shkak të faktorëve të tjerë shëndetësorë, pa hezitim, sepse doja të lija gjithçka pas dhe të mos merresha me të, vendosa të bëj një mastektomi të dyfishtë. Mendova se isha mirë dhe gati për jetën. Kanceri i gjirit nuk do të më vrasë”, tha ajo për Wall Street Journal Magazine.
Megjithatë, vitin e kaluar ajo ndjeu përsëri një gungë në gjoksin e saj dhe, për fat të keq, doli se tani ajo ka kancer në muskulin gjoksor.
“I thashë mjekut tim: ‘Gërmoni një vrimë në gjoksin tim. Nuk dua të duket bukur. Unë dua që ju ta gërmoni atë. Unë dua të shoh vrimën në gjoksin tim kur të keni mbaruar. A me kupton? Nuk do të vdes për këtë.
“E di që kam njërën këmbë në varr, por jam plotësisht në një humor festiv,” tha ajo.
Një vit më parë ajo u shfaq në “Vogue” duke folur për një procedurë kirurgjikale estetike që kishte shkuar keq.
