Përpara pak ditësh Bebe Rexha publikoi në ‘Instagram’ një foto, ku shfaqej e veshur me të brendshme dhe ja dedikonte një producenti, i cili i kishte thënë se është shumë e vjetër për të publikuar fotografi provokuese. Këngëtarja me origjinë shqiptare bëri një deklaratë të fortë duke thënë se ndihet mirë me veten e moshën e saj dhe shumë vajza të tjera të famshme si Taylor Swift apo Rita Ora e mbështetën.
Së fundmi një modele mjaft e njohur, Tyra Banks i ka dalë publikisht Bebes në mbrojtje, duke e komplimentuar edhe për trupin e saj. “Mendoj se ajo është më e bukura. Oh Zot. Kur e shikoj në ‘Instagram’ them me vete ‘Dua të jem si ty’. Ai trup, fytyra e saj. Ajo është magjepsëse”, është shprehur supermodelja 45-vjeçare.
Ajo ka shtuar se njerëzit që komentojnë moshën e bëjnë këtë për shkak të pasigurive të tyre. Gjithashtu Tyra e ka këshilluar Beben që ta pranojë dhe më pas ta hedh poshtë negativitetin që po përjeton, sepse vetëm në këtë mënyrë mund të vazhdojë përpara. Në fakt kjo nuk është hera e parë që Bebes i ndodh diçka e tillë, sepse shpesh ajo ka rrëfyer se është ofenduar nga stilistë, apo persona që janë pjesë e industrisë së muzikës, për shkak të përmasave të saj trupore. /revistawho.com
