Në një moment që nisi si argëtim familjar dhe përfundoi në dentist, Chrissy Teigen ka ndarë me ndjekësit një episod jo fort të zakonshëm nga shtëpia e saj. Modelja e njohur përjetoi një incident ndërsa po përgatiste dekorime dhe ëmbëlsira festive bashkë me fëmijët.
Përmes një videoje të publikuar në Instagram më 21 dhjetor, Teigen tregoi se si po kalonte kohë cilësore me Luna-n, Miles-in, Esti-n dhe Ren-in, duke mbushur vazo me shkopinj karamele dhe biskota të thërrmuara. Por disa ditë më pas, ajo u rikthye me një përditësim surprizë: gjatë gjithë atij procesi, kishte humbur një dhëmb.
“Shkova të hapja një nga këta ‘djemtë e vegjël’… dhe më ra dhëmbi”, rrëfeu ajo me humor, duke e treguar edhe para kamerës. Chrissy shtoi se pjesa e rënë ishte ende “e plotë”.
Modelja nuk ngurroi ta trajtonte situatën me ironi, duke thënë:
“Kjo është ajo që bëjnë nënat për fëmijët e tyre, të të bëjnë të mendosh se ke rritur një karamelesh”, ndërsa vijoi: “Po përpiqesha të krijoja magji, tani nuk kam më dhëmb”.
Një histori që nisi me festë dhe përfundoi me buzëqeshje edhe pse për pak ditë, jo plotësisht.
