Të gjithë i admirojmë modelet për linjat e tyre perfekte. Por Ashley Graham e admiruam dyfish për guximin dhe thyerjen e tabuve në momentin që një modele e kolme pozoi për ‘Sports Illustrated Swimsuit Issue’ në vitin 2016. Aty ishtë fillimi i një stadi të ri në botën e modelingut. Por gjërat kanë ndryshuar. Pasi u bë një nga modelet më të ndjekura, Ashley po fillon të zhgënjejë fansat. Ajo ka shfaqur ndryshime të theksuara në peshë. Rikujtojmë që një nga arsyet pse Ashley fitoi aq shumë popullaritet ishte për shkak se ajo e pranonte trupin e saj dhe me vetëbesim e shfaqte para kamerave. Ajo frekuenton rregullisht palestrën dhe mund të themi se ajo ka rënë goxha në peshë. Por replika e saj ka qenë me ndryshe nga çka prisnim. “Për shumë jam e kolme. Për të tjerë jam e gjatë, shumë e shëndetshme, shumë e lartë, dhe tani shumë e vogël, por sërish jo mjaftueshëm. Kur postoj një foto nga ‘kënd i mirë’ marr kritika se dukem më e vogël. Kur postoj foto që tregoj celulitin, shenjat e lëkurës, akuzohem për promovim të obezitetit. Ciklit i ardhjes turp nga trupi duhet ti japim fund”.
