Florian Agalliu feston sot ditën e lindjes dhe surprizën e parë e ka marrë nga stafi i programit që drejton prej disa sezonesh. Gjatë xhirimeve të ‘Në shtëpinë tonë’ në ‘Top Channel’, moderatori është surprizuar nga kolegët e tij me një tortë të personifikuar. Floriani është adhurues i palestrës dhe së fundmi ka hapur edhe një biznes privat që ka në qendër kujdesin fizik. Pikërisht këtë pasion të tij, kolegët kishin vendosur ta sillnin në mënyrë simbolike tek torta e ditëlindjes.
Gjatë surprizës nuk ka munguar as një telefonatë nga e bija, e cila e ka emocionuar shumë. Moderatori i njohur ka rrëfyer në postimet në ‘Instagram’ se pavarësisht se nuk është fans i festave, surpriza e ditës së sotme e ka emocionuar shumë. Krahas këtyre fjalëve nuk ka munguar as falënderimi për kolegët me të cilët bashkëpunon çdo ditë. / revistawho.com
