Labinot Gashi është një nga moderatorët më të njohur dhe të dashur në Kosovë. Ditën e sotme Labi ishte i ftuar në emisionin ‘Pop Culture’, ku foli rreth karrierës së tij dhe jetës private. Duke qenë se moderatori ka vendosur të përfshihet në një projekt të ri televiziv, ka thënë se ka marrë shumë oferta nga televizione të ndryshme, por ende nuk e ka vendosur se ku do të shkojë.
Gjithashtu Labi ka treguar edhe rreth marrëdhënies së tij me bashkëshorten dhe martesën e tyre që ishte vërtet mahnitëse. “Bashkëshortja ime është artiste. Me Qëndresën jemi njohur për shkak të punës, por edhe shoqërisë. Kemi katër vite së bashku dhe dashurinë e kurorëzuam në martesë. Ne kemi bërë një dasmë normale, pavarësisht spekulimeve në media për shpenzime marramendëse.” ka thënë Labi. /revistawho.com
