Kelvi Kadilli është padyshim një nga moderatorët më të diskutuar të momentit. Ai ka filluar prej disa vitesh karrierën në televizion dhe shpesh konsiderohet si e ardhmja. Momentalisht e shohim në ekranin e ‘Top Channel’, krah Dojna Memës në ‘Pop Culture’. Vëmendjes mediatike moderatori nuk i ka shpëtuar që në fillimet e tij. Herë për deklaratat dhe ‘ngacmimet’ ndaj VIP-ave, të tjera herë për jetën personale.
Së fundmi u përfol për një lidhje me kolegen e tij Dojna, por fjalët u hodhën poshtë. Kelvi sapo na ka zbuluar me shumë mundësi të dashurën e tij të momentit. Ai ka publikuar një video ku shfaqet krah një vajze simpatike në një club. Gjatë videos dy të rinjtë shkëmbejnë puthje me njëri-tjetrin, ndërsa komenti i tij është “Ja pra”. Mesa duket Kelvi ka dashur të shuajë gjithë thashethemet për jetën e tij private./revistawho.com
