Labinot Gashi është një nga moderatorët më të suksesshëm shqiptarë. ‘Instagram-i’ i tij është i mbushur me foto promovuese të emisionit të tij ‘1 Kafe Me Labin’, megjithatë ai asnjëherë nuk harron të publikojë herë pas here momente që kalon me familjen. Ditën e sotme, bashkëshortja e tij, Qëndresa Bajrami feston ditëlindjen dhe moderatori ka vendosur t’i dedikojë asaj disa fjalë të ëmbla. “Për gruan e jetës time: uroj ta dish se sa i lumtur jam që jemi bashkë dhe bashkë krijuam familjen tonë. Jeta ka mjaft ditë të bukura dhe jo shumë të mira, ne kemi zgjedhur që me dashurinë e zemrave tona t’i kalojmë bashkë të gjitha momentet e jetës. Ky bashkim më bën mua një burrë të mirë, për një grua kaq të mirë sa ty. Urime mami i Rroas, të dua”, ka shkruar Labinoti krahas fotos ky duket pranë bashkëshortes së tij. Nuk kanë munguar komentet e fansave që uronin Qëndresën, apo ato që shprehnin pëlqimin e tyre për çiftin. Kujtojmë se Labinoti dhe Qëndresa u bënë prindër të një vajze vitin që kaloi./revistawho.com
https://www.instagram.com/p/BwK_o95hl0u/?utm_source=ig_share_sheet&igshid=1evlk77iu64qn
