Moderatorja e njohur shqiptare, Alba Çobaj, e cila u bë e famshme për pjesëmarrjen në “Big Brother Albania”, ka ndarë një moment shumë të veçantë nga jeta e saj personale.
Përmes një postimi të ndjerë në rrjetet sociale, Çobaj ka zbuluar se është bërë nënë për herë të dytë, duke mirëpritur në jetë djalin e saj, Tomas. Ajo ka publikuar edhe një foto të ëmbël të të porsalindurit, e cila ka marrë menjëherë shumë urime dhe pëlqime nga ndjekësit.
Në një përshkrim emocional, moderatorja shkruan:
“Lumturia pa filtra! Zoti na bekoi sërish me një engjëll sot në orët e para të mëngjesit.”
Sipas saj, lindja ndodhi pikërisht në javën e 41-të të shtatzënisë, në të njëjtën ditë kur ajo dhe familja kishin planifikuar ta quajnë fëmijën me emrin Tomas.
Ky është fëmija i dytë për Çobajn, e cila gjithmonë ka ndarë momente të sinqerta nga përditshmëria e saj me ndjekësit në rrjetet sociale.
