Moderatorja e njohur, Ellen DeGeneres ditën e djeshme ka humbur babain e saj në moshën 92-vjeçare. Lajmin e ka bërë publik vetë Ellen në emisionin që ajo drejton dhe që mban emrin e saj.
“Përpara se të shkojmë në publicitet, dua t’ju flas edhe për diçka tjetër”, – shprehet Ellen. “Dje, kur ju fola për katastrofën natyrore në komunitetin tim të Montecito-s, ju thashë që po kaloja të tjera situata të vështira. Përveç asaj katastrofe, unë humba edhe babain tim!” – tha ajo. Ellen tregoi se i ati ndihej krenar për të dhe se e pranoi ashtu siç ajo ishte. “Ai ishte shumë krenar për mua. E dashuronte këtë show dhe më pranoi mua ashtu siç isha. Ne bëmë vetëm njëherë pushime familjarisht. Kur isha e vogël, ne shkuam në Warner Bros, dhe tani në studion ku unë punoj [Warner Bros] u shfaq një ylber. Besoj se është shumë krenar që një studio në këtë vend ka emrin tim!”– rrëfeu Ellen.
