Fiori Dardha, moderatorja e njohur ka publikuar orë më parë një foto krah së ëmës duke zbuluar një nga ngjarjet më të dhimbshme që ka kaluar. Me qëllim sensibilizimin, ajo ka ndarë detajet e sëmundjes që ka kaluar e ëma. Në muajin e kancerit të gjirit, Fiori bën thirrje që çdo femër të tregojë kujdes. E vetmja mënyrë për të shpëtuar është ta zbulojmë herët.
“Kam parë shumë postime në këtë muaj ndërgjegjësimi për kancerin e gjirit. Kisha vendosur të mos e përmendja fare këtë dreq sëmundjeje, sepse më duket sikur, po e përmende, ajo e mallkuar kujtohet për ty, për familjen tënde. Kam humbur një person shumë të shtrenjtë nga kanceri i gjirit dhe sikur të mos mjaftonte, m’u desh të përballesha sërish me të kur sëmundja preku mamin tim.
Por sot dua të them vetëm diçka:
Mami im e mposhti sëmundjen, vetëm sepse e konstatoi në një fazë të hershme.
Kur zbulohet që në fazat e para, kanceri i gjirit është plotësisht i kurueshëm!
Më besoni! Sot, kur shoh mamin tim, falenderoj Zotin dhe mbi të gjitha mjekët që sugjeruan kontrollin për të, pavarësisht se nuk kishte asnjë simptomë të sëmundjes.
Mos neglizhoni! Me këtë sëmundje nuk bëhet shaka! P.S: Për mjekët dhe stafin e shërbimit onkologjik: mirënjohja ime për ju është e pamatë! Jeni heronj të vërtetë”,-shkruan ajo.
Në muajin dedikuar femrës thirrje të tilla janë shumë të nevojshme, sidomos kur vijnë nga njerëz që e kanë prekur nga afër./revistawho.com
