Moderatorja dhe influencuesja e njohur, Alba Çobaj, është në pritje të ëmbël për herë të dytë! Pas lindjes së vajzës së saj Sofia, e cila së shpejti mbush 5 vjeç, Alba dhe partneri i saj do të bëhen prindër të një djali.
Lajmin emocionues e ndau me ndjekësit përmes një gender reveal plot surpriza. Në momentin special, torta zbuloi ngjyrën blu, duke konfirmuar se Sofia do të bëhet motra e madhe e një vëllai të vogël.
“Alba dhe Migen prindër së shpejti. Sofia do të bëhet së shpejti një motër e madhe. Dora e vogël e mamës që bën gender reveal. Paska qenë viti i djemve mesa duket dhe pse neve e nisëm për motër. Megjithatë kemi kohë, tjetër herë me vajzë”, shkroi Alba me humorin e saj karakteristik.
Momenti u prit me shumë emocion nga familja, ndërsa ardhja e vogëlushit pritet të sjellë një kapitull të ri në jetën e moderatores.
