Për çiftin më të komentuar të momentit, çdo dalje publike është një tjetër kapitull i hapur për analizë. Në samitin prestigjioz TIME100 të zhvilluar në New York, Meghan Markle dhe Princi Harry u panë së bashku në event, por një sërë momentesh mes tyre ndezën diskutime të shumta në rrjet.
Në hyrje të eventit, kamerat fiksuan një moment kur Harry u përpoq t’i jepte dorën Meghan-it teksa ajo zbriste nga makina. Megjithatë, ajo dukej e përqendruar te përshëndetjet me të ftuarit dhe nuk reagoi ndaj gjestit të tij.
“Ai mbeti pas saj, me duart në xhepa, duke pritur në heshtje.” – përshkruan një prej skenave të komentuara më shumë.
Një situatë e ngjashme ndodhi më pas kur Meghan i kaloi pranë bashkëshortit pa ndonjë ndërveprim, duke e lënë sërish një hap pas saj. Këto pamje të publikuara nga mediat, përfshirë Dailymail, nxorën në pah komentet e ekspertëve të gjuhës së trupit, të cilët vlerësuan dinamikën mes çiftit:
“Harry duket se luan rolin e ‘rezervës’, me qëndrime të ngathëta, ndërsa Meghan shfaq vetëbesim dhe dominon vëmendjen.”
Ndërkohë në rrjetet sociale, videoja bëri xhiron e internetit. Disa përdorues kritikuan aktoren për mënyrën se si e injoroi Harryn, ndërsa të tjerë e panë këtë si një sjellje të zakonshme mes partnerësh të angazhuar në ambiente publike.
Vëmendje të madhe mori edhe veshja e Meghan-it, e cila u konsiderua si pjesë e “firmës së saj stilistike”: 
“Një komplet Ralph Lauren me prerje elegante, pantallona palazzo me bel të lartë dhe blazer me mëngë të lehtësisht rrudhura. Nën të, një këmishë e bardhë – e thjeshtë por sofistikuar – që përmbledh në mënyrë perfekte idenë e saj të stilit.”
Megjithëse nuk ka pasur asnjë reagim nga vetë çifti mbi komentet e shumta, duket se edhe një ndërveprim i vogël i tyre është mëse i mjaftueshëm për të ndezur rrjetin.
