E gjithë familja e futbollistit Cristiano Ronaldo është zhvendosur në Ibiza për të shijuar disa ditë pushime. Në fotografitë e publikuara nga mediat rozë, Georgina dukej një nënë shumë e kujdesshme, gjatë gjithë kohës duke qëndruar pranë të voglës së saj. Madje 24-vjeçarja i ka mahnitur të gjithë me linjat e saj trupore pas lindjes. Georgina ishte kujdesur që vajzën Alana ta ruante sa më shumë nga rrezet e diellit duke e veshur me rroba të freskëta dhe me një kapele të bardhë në kokë.
Gjithashtu në këtë udhëtim ishin të pranishmë edhe tre fëmijët e tjerë, Cristiano Jr dhe binjakët Eva dhe Mateo 13-muajsh. E gjithë familja e Ronaldos dukej e lumtur dhe e relaksur teksa i hipën avionit privat për t’u nisur, me shumë siguri, në një tjetër destinacion. /revistawho.com
