Dasma mes Jonida Vokshit dhe Besnik Krapit është kryefjala e mediave rozë mbrëmjen e sotme. Çifti i njohur kanë kurorëzuar dashurinë e tyre me martesë gjatë perëndimit të diellit buzë bregdetit në Durrës. Momenti më emocionues në dasmë ishte ai kur babai e ka shoqëruar Jonidën në altar dhe e ka dorëzuar tek bashkëshorti i saj. Surpriza më e veçantë ishte përzgjedhja që Jonida kishte bërë për celebrimin e martesës. Moderatorja kishte zgjedhur që mikesha e saj më e mirë, Elvana Gjata, të bekonte dashurinë e saj me Besnikun. E emocionuar njësoj si mikja e saj që martohej, Elvana ka lexuar të gjitha betimet dhe ka kurorëzuar me martesë çiftin.
https://www.instagram.com/p/B2ZvPNvI0jO/?igshid=119k9oad5c2ob&fbclid=IwAR2Js7so_f1XKWCAEsz3WViaRPZATucLDXgZ-YJsBh3wGb1KOE4w1lIlAOA
Në fund të betimit dy mikeshat, që e konsiderojnë njëra-tjetrën si motra, kanë shkëmbyer një përqafim të ngrohtë.
Nga videot dhe fotot e publikuara në rrjete sociale shihet se Elvana ka veshur një fustan të gjatë në ngjyrë lejla me pupla në pjesën e sipërme, duke qëndruar gjithmonë në të njëjtën linjë me trendet e fundit të modës. /revistawho.com
