Nuk mund të harrohet dalja e përbashkët e dy çifteve të familjes mbretërore britanike shtatorin e vitit që lamë pas, me rastin e ndarjes nga jeta të mbretëreshës Elizabeth II. Ky është momenti kur Kate Middleton, Princi William, Meghan Markle dhe Princ Harry-t iu kërkua të ecnin nëpër oborrin e kështjellës Windsor për të përshëndetur turmën e mbledhur që po vendosnin lule në kujtim të mbretëreshës
Pavarësisht se pamja e përbashkët e dy çifteve, pas largimit të krijuar mes tyre kur Harry dhe Meghan u larguan nga pallati në vitin 2020 për të jetuar në Amerikë,ndezi shkëndijat për një pajtim, shprehjet në fytyrat e tyre të kombinuara me lëvizjet e trupit dëshmuan më shumë se ishin shumë larg pajtimit.
Momenti famëkeq tregohet në librin e ri të gazetarit Robert Jobson, “Mbreti ynë” në të cilin një burim i pallatit zbulon se Kate Middleton e përshkroi shëtitjen si “një nga gjërat më të vështira që ajo është dashur të bëjë ndonjëherë”. “Kate më vonë pranoi se armiqësia mes dy çifteve ishte e tillë që ecja së bashku ishte një nga gjërat më të vështira që ajo duhej të bënte ndonjëherë”, shton Jobson për Kate Middleton.
