Nuk jemi mësuar shpesh që kryetaren e ‘Lëvizjes Socialiste për Integrim’, Monika Kryemadhi, ta shohim të bëjë dedikime të gjata emocionuese. Por këtë herë duket se është ndryshe, pasi nëna e saj feston ditëlindjen dhe kush më mirë se vajza mund ti dedikojë asaj fjalë zemre. Nëpërmjet një urimi të publikuar në rrjetet sociale, Monika thekson sakrificat dhe dashurinë që ajo ka pasur gjatë viteve të rritjes së saj.
“Sot ti ke ditëlindjen! Një buqetë me lule do të ishte rutinë, si ajo që bëhet gjithmonë me miqtë për ti uruar. Buqetën e dashurisë që ti më ke dhuruar, lumin e mirësisë që solle tek unë dhe sakrificat e tua të panumërta për mua nuk mund ti mbledh në një buqetë me lule. Ti heroina ime e heshtur, që më jep dorën në çdo moment, edhe sot që unë jam nënë, për ty nuk do mjaftonin lulet e të gjitha kopshteve të botës. Të dua shumë mami im”,- ka shkruar Kryemadhi krahas fotos ku shfaqet me të ëmën. /revistawho
