Monika Kryemadhi e Ilir Meta urojnë 1 qershorin: Na kishte marrë malli për një bebe…

“Nuk ka aromë më të dashur në botë se ajo e bebeve. Sot në mëngjes me Ilirin takuam Arian, që na bëri të kuptojmë se fëmijët tanë janë tashmë të rritur dhe na kishte marrë malli për të mbajtur dhe përkëdhelur një bebe. Zoti i bekoftë të gjithë fëmijët shqiptarë në këtë 1 qershor. Çdo ditë është e rëndësishme për fëmijët tanë, por sot duhet të përpiqemi t’i gëzojmë ata pak më shumë se ditët e tjera. Ndaj sipas mundësive, le të jemi sa më pranë tyre dhe t’i bëjmë të ndihen të lumtur e të gëzuar. Nuk ka gjë më të shtrenjtë se fëmijët dhe asgjë më të bukur në botë se buzëqeshja e tyre. Le ta shndërrojmë këtë ditë në gëzim për të gjithë fëmijët shqiptarë. Ne me projektin tonë do të jemi gjithmonë në mbështetje të politikave për kujdes shëndetësor dhe arsimim të shkëlqyer për të gjithë fëmijët dhe kujdes special për fëmijet me nevoja speciale. Sepse ne besojmë te familja, te vlerat e saj dhe për këtë do punojmë çdo ditë me përkushtim”. Një urim i gjatë ka ardhur sot për të gjithë fëmijët nga Monika Kryemadhi, e cila së bashku me Presidentin Ilir Meta sot e kanë nisur ditën ndryshe. Ata kanë mbajtur të dy në krahë Arian, një bebe që i ka zgjuar mallin pasi tashmë fëmijët e çiftit të suksesshëm të politikës shqiptare janë rritur./ revistawho.com