Monika Kryemadhi flet për fëmijët e saj: Ja ku i shoh në të ardhmen

E ftuar në ‘Xing me Ermalin’, deputetja e njohur, Monika Kryemadhi, ka folur për familjen e saj të madhe e pasionet e tre fëmijëve të saj. Mamaqi u shpreh se sipas tij vajza e saj e vogël Era do të ishte një politikane shumë e zonja. Por Kryemadhi u shpreh skeptike duke thënë se Era është më tepër e interesuar në botën e artit dhe se do të behët këngëtare ose menaxhere artistësh.
“Jo ajo pëlqen botën e artit do të këndoj nëse nuk bëhet këngëtare, do të bëhet menaxhere arti. Prindi nuk ka asnjëherë dëshirë që fëmijët të marrin profesionin e tyre,”-vijoi Monika.
Më pas Mamaqi e pyeti Monikën se cilin nga fëmijët shikonte më afër politikës.
“Bora është e ftohtë, racionale dhe pragmatiste në politikë. Besari shume paqësor dhe social, ndërsa Era është menaxhere dhe negociatore shumë e mirë,”-është shprehur zëvendës kryetarja e LSI-së.