Monika Lubonja, ditën e sotme, e ftuar në emisionin “Rudina” rrëfeu edhe për vajzën e saj Tea që tashmë është 24-vejç dhe studion Informatikë- Ekonomi në Gjermani.
Ajo e ka lindur atë në moshë shumë të re, kur ende ishte studente. “E kam mbrojtur diplomën kur isha shtatzënë me vajzën time”, tregon. Në një kohë kur ajo nuk ka qenë e fejuar apo e martuar, por vetëm e dashuruar me atë që do të bëhej bashkëshorti i saj në vazhdim.
Për shtatzëninë e ka marrë vesh kur ka qenë duke interpretuar në skenë dhe nuk është ndier mirë. “Më fal Zot që po e them, por në fillim kam dashur ta heq fëmijën, nuk isha e përgatitur për t’u bërë nënë. Ishte babai i vajzës ai që nuk pranoi dhe më çoi të vazhdonim rregullisht vizitat në maternitet. Kështu Tea filloi të merrte jetë. Unë vazhdova provimet dhe Tea më dha shumë fat në to. Është një bekim për mua dhe vazhdon të më japë bekim çdo ditë të jetës sime, është motivi im”, ka thënë ajo e emocionuar.
Një emocion që përfundoi në lot kur në insert u shfaq vajza e saj në një video ku përshkruante të ëmën dhe marrëdhënien e tyre. Edhe pse në pamje mund të gjeni ngjashmëri mes tyre, në karakter nuk do të ndodhë.
“Jemi të ndryshme në mendime, ajo është shumë racionale dhe e ftohtë”, tregon Monika.
Marre nga Class
