Ditën e djeshme Morena Taraku mbërriti në Shqipëri, për të vizituar të prekurit nga tërmeti. Këngëtarja shqiptare ka vizituar kampet ku janë strehuar disa prej familjeve, si dhe ka shkuar në spitalin e traumës për t’u njohur me të lënduarit nga tërmeti shkatërrimtar. Morena ka publikuar në rrjete sociale foto dhe video të ndryshme nga takimi dhe ka treguar se është prekur shumë nga historitë që ka dëgjuar. Ajo është shprehur se asnjëherë nuk ka qarë aq shumë që nga dita kur nëna e saj ndërroi jetë. “Fillova të qaja dhe nuk mund të pushoja. Nuk kisha qarë kaq shumë qëkur nëna ime ndërroi jetë 15 vite më parë. Duke ju dëgjuar ju dhe të dëgjohem nga ju është bota për mua dhe do t’i mbaj gjithmonë me vete bisedat dhe historitë që ju keni ndarë me mua. Ju mund të më shkruani gjithmonë në ‘Instagram’ ose në e-mail. Mesazhet e mia do të jenë gjithmonë të hapura për ju. Me dashuri Morena”, ka shkruar këngëtarja në një postim në ‘Instagram’.
https://www.instagram.com/p/B5pkV2vlZoi/?igshid=1b2tafhy2cn2z
Që nga momenti i parë kur tërmeti i fortë goditi Shqipërinë, Morena iu ka qëndruar pranë shqiptarëve edhe përmes postimeve në rrjete sociale. /revistawho.com
