Një moment tensioni u regjistrua sot mes Mateos dhe Florit në shtëpinë e “Big Brother VIP 5”, pas një batute që u kthye shpejt në debat. Gjithçka nisi kur Flori, me shaka, përmendi ambientin e palestrës ku punon Mateo, duke iu drejtuar edhe pronarit.
Reagimi i Mateos ishte i menjëhershëm dhe i prerë, duke i kërkuar që tema të mos përmendej më. Ai theksoi se arsyen do ta shpjegojë më vonë, vetëm mes tyre. Pas përplasjes, Mateo u pa i prekur emocionalisht dhe në lot, ndërsa banorët iu afruan për ta qetësuar dhe i dhanë mbështetje.
Pjesë nga debati:
“Bëjmë video, shitet ambienti i palestrës”
Flori: “Edhe me gira”
Mateo: “Ku punoj unë që ta dish ti, nuk ka për të dalë kurrë në shitje,në radhë të parë”
Flori: “Pronarin e përshëndesim”
Mateo: “Pusho, të lutem, ta shpjegoj më vonë por mos e përmend më”
Flori: “Pronarin e përshëndesim”
Mateo: “Mos e përmend më pra, se ta shpjegoj unë”
Lore: “Nuk e ke ambientin tënd?”
Flori: “Hë shpjegoje”
Mateo: “Mos e përmend”
Flori: “Mos e ngre zërin”
Mateo: “Ta shpjegoj më vonë”
Lore: “Po ta kërkojë kështu, lëre. Unë mendova se e ke ambientin tënd”
Keijsi: “Varet se si e ka ai situatën jashtë”
Mateo: “Fola ndonjë gjë gabim?”
Keijsi: “Jo, të dy jeni ne rregull.”
Mateo punon në palestën në pronësi të Amarildo Pajtonit, i riu i cili humbi jetën në një aksident tragjik me motorr më 25 korrik 2024. Mateo dhe Ildi kanë qenë miq të ngushtë, dhe përmendja e tij preku një dhimbje ende të hapur.
Në fund, Flori u tërhoq nga situata, ndërsa banorët u pozicionuan pranë Mateos, duke i treguar solidaritet pas momentit të vështirë emocional.
