Stërvitja intensive mund të shkaktojë një ritëm jonormal të rrahjeve të zemrës. Disa studiues australianë pretendojnë se ushtrimet fizike intensive dhe të tejzgjatura mund të shkaktojnë ndryshime strukturore permanente të zemrës. Sipas tyre këto ndryshime tek disa persona mund të shkaktojnë problem në zemër, i cili në gjuhën mjekësore njihet si aritmi ose e thënë ndryshe çrregullim në ritmin e rrahjeve të zemrës.
Për ta kuptuar në qoftë se jeni prekur nga problemet e aritmisë tregohuni vigjilent për të identifikuar praninë ose jo të simptomave të mëposhtme: marrje mendsh, humbje e papritur e ndjenjave, dhimbje në kraharor gjatë apo pas stërvitjes. Në qoftë se ndjeni të keni simptomat e mësipërme mundohuni të keni aktivitet fizik të reduktuar ose drejtohuni tek mjeku specialist.
