Pas zërave që kanë qarkulluar për ndarjen e Shpat Kasapit nga bashkëshortja e tij, Selvija Jao, këngëtari ka zgjedhur të shprehë publikisht një mesazh që ngjalli menjëherë interes në rrjetet sociale. Ai ka publikuar një status me nota reflektuese, ku shkruan:
“Krijo disiplinë. Ushqehu mirë. Ushtro. Dhe mos gabo me gruan…se s’të fal, të len.”
Ndërkohë, ditën e djeshme, Selvija postoi një mesazh emocional në InstaStory-n e saj, duke lënë të kuptohet se gjërat mes saj dhe këngëtarit mund të kenë marrë fund.
“Ditët e fundit në Tiranë… Më në fund po largohem, por zemra ime do të mbajë gjithmonë një copëz nga ky qytet. Në çdo cep të saj kam lënë pjesë të shpirtit tim… një grua që luftoi, qeshi, u rrëzua dhe u ngrit për veten dhe për djalin e saj… Tirana s’do të jetë më e njëjta pa mua, dhe as unë pa të,” shkroi ajo krahas një fotoje të stadiumit “Air Albania”.
Shpat Kasapi dhe Selvija Jao janë prindër të një djali të quajtur Roel, i lindur në vitin 2022. Gjatë viteve së bashku, ata kanë ndarë momente të lumtura, por edhe sfida që, sipas burimeve pranë çiftit, kanë ndikuar në vendimin e tyre për t’u ndarë.
