Një tension i lartë ka pushtuar së fundmi shtëpinë e “Big Brother VIP 4”, ku dy banoret Egli dhe Gerta janë përfshirë në një debat të fortë që për pak sa nuk ka degraduar në përplasje fizike. Konflikti mes tyre ka nisur pas akuzave dhe kundër-akuzave që kanë ngritur temperaturat brenda lojës.
Gerta ka akuzuar Eglin për mosmirënjohje, duke theksuar se banorët janë treguar të kujdesshëm dhe të sjellshëm me të pas një ataku paniku që ajo kishte kaluar. Sipas Gertës, Egli e ka përdorur këtë situatë për përfitime personale dhe e ka “hedhur poshtë shtëpinë.”
Pjesë nga përplasja:
Egli: “Kjo femër përveçse është marrë me ato që nuk ngelin shtatzënë, me marrëdhëniet intime të njerëzve, tani po merret me ankthin dhe depresionin.”
Gerta: “Pse gënjen? Kur e gjithë shtëpia ka qenë pro teje, si e hodhe poshtë? Askush nuk të ka bërë asgjë. Pse e ngrite sherrin?”
Egli:”Të të vijë turp, je e aftë në këtë lojë të shesësh çdo gjë.”
Gerta: “Ty shtëpia nuk të bëri asgjë, pse e shite gjithë shtëpinë? Ty shtëpia nuk të bëri viktimë.”
Egli: “Ti nuk ke limite zonjë.”
Gerta: “Pse thua mua më kanë shkelur? Ne jemi tërhequr.”
Egli: “Mos u tërhiq se e kam kaluar atakun e panikut.”
Gerta: “Mos më prek, mos më prek.”
Egli:”Jam gati të shtyp këdo, jam më e fortë se kurrë, e kam kaluar atakun e panikut.”
Gerta: “Për atakun e panikut, vetëm për atë situatë që ke pasur, të gjithë janë tërhequr. Dhe çfarë bëre? E hodhe poshtë. Je mosmirënjohëse. Të gjithë kemi qenë të sjellshëm me ty. Ngrite situatë të stisur, hipokrite. Kush të sulmoi ty? Askush, e përdore situatën.”
Egli: “Ti je njeriu më i ulët që kam patur përballë. Ti me ato që ke thënë do të mbash përgjegjësi.”
