Marrëdhënia mes Wanda Narës dhe Mauro Icardit ka qenë gjithmonë shumë e vrullshme. Gjatë gjithë viteve të tyre së bashku nuk kanë munguar përplasjet dhe pajtimet, por tashmë duket se marrëdhënia e tyre ka marrë fund njëherë e mirë.
Futbollisti është kthyer në Argjentinë për të festuar ditëlindjen e Narës dhe për të kaluar pushimet së bashku me të. Icardi u përpoq të afrohej sa më shumë, por duket se përpjekjet e tij kanë qenë të kota. Në fakt ka ndodhur e kundërta.
Fundjavën e kaluar të dy u grindën në ditëlindjen e Kenny Palacios në Nordelta, dhe siç raportohet nga “Socios del Espectaculo”, Icardi dukej i trishtuar pasi mbeti vetëm për pjesën më të madhe të festimeve.
Sipas burimit, Icardi gjatë gjithë festës tentoi t’i afrohej ish-bashkëshortes, por ajo e refuzonte çdo herë.
“Wanda foli për Mauron si ish-in e saj dhe sa herë që ai donte t’i afrohej asaj në ditëlindjen e Kenny-t, qoftë si mik apo ndërsa përpiqej të përqafohej, ajo i thoshte “largohu, largohu. Mos m’u afro”, ka cituar burimi.
