Oriola Marashi, një nga modelet më të ndjekura dhe më të rezervuara të showbiz-it shqiptar, duket se ka zgjedhur një mënyrë shumë origjinale për të ndarë një pjesë të jetës së saj personale me publikun. Në një seri story-sh të postuara së fundmi në Instagram, bukuroshja ka shpërndarë pamje që kanë ndezur kureshtjen.
Në një prej këtyre postimeve, Oriola shihet duke mbajtur dorën me një djalë misterioz, ndërsa përshkrimi “date night” lë të kuptohet qartë për një mbrëmje romantike. Por ajo që ka tërhequr më shumë vëmendje është unaza në dorën e saj të majtë, pikërisht në gishtin e unazës.
Modelja e njohur është treguar gjithmonë e rezervuar për jetën e saj sentimentale, duke mos e pranuar publikisht asnjë lidhje, edhe kur komentet dhe spekulimet kanë qenë të shumta. Por ndryshe nga herët e tjera, kjo “shfaqje” e qartë e një unaze dhe postimi romantik duket si një konfirmim pa fjalë se diçka serioze po ndodh në jetën e saj.
A është ky një paralajmërim për një lajm të madh që po vjen? Apo thjesht një “klik” për të ruajtur interesin e ndjekësve? Një gjë është e sigurt: Oriola Marashi di si ta ruajë finesën mes privatësisë dhe kuriozitetit publik, duke lënë gjithmonë vend për të lexuar mes rreshtave.
