Për disa ditë me radhë, Klaudia është vendosur në qendër të kritikave pas deklaratës ku e quajti “vëlla” ish-bashkëshortin e saj, Albi Nako.
Edhe pse është sqaruar nga vetë Klaudia, se përse e ka quajtur Albin “vëlla”, kjo nuk i ka penguar aspak ndjekësit në rrjetet sociale të kritikojnë atë, madje ka pasur edhe komentues të tjerë që janë treguar më të ashpër duke kaluar deri në ofendime personale. Të gjitha arritjet e Klaudias, u shuan menjëherë pas fjalës “vëlla”.
Arsyen e kësaj fraze e ka sqaruar edhe një herë Albi. “Momenti emocional imi nuk ishte për frazën, ishte nga distanca, nga një kohë e gjatë që s’jemi parë edhe u preka. Unë e thashë dhe në emision që isha i papërgatitur. Nuk ndjeva asgjë nga fjala. Mos të lëntë Zoti pa motër në jetë! Vëllai është ai që të jep ajër kur trishtimi të zë frymën, është dashuria e përjetshme”, tha ai.
Cili ka qenë reagimi i Albit më pas? I ftuar në “Xing me Emalin”, ai ka rrëfyer se ka folur menjëherë pas emisionit me Klaudian, ndërsa shprehet se ato që janë thënë më pas i ka marrë më shumë sportivitet.
“Fola direkt me Klaudian. Ajo që unë nuk kam përceptuar kurrë në jetën time është që do isha pjesë e portaleve. Por nuk e di pse nuk më bëri përshtypje. E kam marrë me sportivitet“, tregon ai. / revista class
