Moti gjatë kësaj jave do të ketë surpriza. Meteorologia Adiola Bami ka folur për News24, duke bërë parashikimin për këtë javë, por edhe për muajin nëntor.
“Kjo javë do të jetë me mot të kthjellët deri ditën e premte. Fundjava pritet të ketë prezencë të vranësirave dhe ndonjë shi, por në zona të izoluara. Në mëngjes ka pasur vlera të ulëta me 2 apo 3 gradë celsius që në mesditë të shkojë 22 apo 23. Por duke nisur nga nesër vlerat do të rriten disi në mëngjes, do të shkojnë në 4 apo 5 gradë, ndërsa në mesditë temperaturat pritet të shkojnë deri në 23 gradë celsius”, u shpreh Bami.
Ndërsa për muajin nëntor, sinoptikania u shpreh që do të jetë i kthjellët dhe me vlera tipike temperature. Ditët do të jenë të freskëta, por përgjithësisht pa shi.
