Moti do të përkeqësohet, ja sa do të ulen temperaturat

Sot është një nga ditët më të ftohta, por temperaturat priten të ulen më shumë në fundjavë. Temperaturat nën 0 gradë dhe erërat e fuqishme pritet të sjellin nesër një situatë problematike në mbarë territorin e vendit. Meterologia Lajda Porja në një lidhje telefonike për Report Tv, ka thënë që edhe në ditët në vijim në vend do të mbizotërojnë temperaturat nën zero. Sipas meterologes, moti i keq nuk do të kursejë as Tiranën. Ajo tha se ditën e shtunë, temperaturat priten të shënojnë sërish rënie. Zonat më problematike nga moti i keq do të jenë, Peshkopia, Bulqiza, Kukësi ku pritet që temperatura të shënojë vlera deri në -17 dhe -20 gradë. “Gjithë territori ditën e nesërme do të jetë nën temperaturat zero gradë, me minus. Në disa zona do të shkojë dhe -17, -18 dhe deri -20 gradë celsius. Të shtunën do të ketë dhe erëra të fuqishme që do të sjellin përkeqësim të situatës. Problematike do të jenë zonat e juglindjes dhe zonat veriore, por edhe qytete të tjera, ku vetëm në Tiranë do të shënohet -6 por dhe -7 gradë celsius”.