Beyonce ka bërë një gjest humanist ndaj fansave të saj, në mënyrë që të sigurohej që të gjithë të kthehen të sigurt në shtëpi.
Duke parë kushtet e motit dhe stuhinë intensive në Maryland, fansat e saj që shkuan në “FedEx Field” për ta dëgjuar atë, u përballën me vështirësi të mëdha si në transportin e tyre ashtu edhe gjatë qëndrimit në stadium.
Sipas “E!News”, Beyonce dha 100,000 dollarë për të mbajtur trenin hapur një orë më shumë se zakonisht dhe për t’u shërbyer fansave të saj.
“Metro & Renaissance do të zgjasë trenin e fundit një orë shtesë për të përballuar stuhinë. Treni i fundit i linjës së argjendtë për në Ashburn sonte do të niset nga Bulevardi Morgan në orën 1:04 të mëngjesit”, thuhet në njoftimin zyrtar në Tëitter.
Ai vijon duke thënë: “Për shkak të rrufesë në zonë, aktualisht jemi nën një strehë. Shikuesit jashtë portave dhe në parkingje u kërkohet të kthehen në makinat e tyre. Të gjithë spektatorët brenda stadiumit janë të lutur të strehohen në zona të mbuluara dhe rampa deri në një njoftim të dytë.”
Publiku e mbushi artisten me lëvdafa pasi dëgjuan kontributin e saj për t’u siguruar që ata të ktheheshin të sigurt në shtëpi.
