Motra e Anjeza Shabanit, administratores së kopshtit privat “Diren”, që ndodhet në burg pasi dhunoi brutalisht një 3-vjeçar, ka kërcënuar një komentuese. Jo vetëm atë, por të gjithë ata që i kanë përmendur emrin, duke thënë se do të hapë një gjyq kundrejt tyre. Ajo ka parë emrin e saj në statuset e njerëzve dhe i ka marrë me radhë duke i kërcënuar që të bëhen gati dhe të gjejnë një avokat të mirë, shkruan “Jeta osh qef”. “Morracakët si ti unë i shtyp me këmbë dhe kam shumë qejf që të hasemi një herë bashkë”, kanë qenë këto disa nga fjalët e saj”. Më tej prezantuesja Dajana Shabani Deda ka vënë dhe një status kërcënues ku shkruan: “Nuk do të kursej asnjë, asnjë. Kur të dalë e vërteta dua shumë t’iu kem face to face (përballë)”.
