Historia e babait të Meghan Markle e cila u martua me Princ Harry-n, tashmë është e njohur nga të gjithë. Për shkak të deklaratave të tij kanë nisur shumë probleme për çiftin mbretëror. Në ditën e dasmës ai mungoi si pasojë e problemeve shëndetësore, ndërsa pas saj nuk nguron të japë deklarata të ndryshme për të bijën, duke fituar vëmendjen mediatike.
Pikërisht për këtë fakt Meghan dhe Harry kanë vendosur t’i qëndrojnë sa më larg. Por këtë vendim nuk e ka pritur mirë motra e dukeshës, Samantha Markle, e cila ka reaguar në Twitter. “Bëhu humanitare dhe sillu si grua. Nëse babai vdes, atëherë përgjegjëse do të jesh vetëm ti, Meg”,-ka shkruar ajo. Se si e ka përjetuar këtë deklaratë dukesha ende nuk e dimë, por gjërat për të po vështirësohen çdo ditë./revistawho.com
