Aktorja e famshme, Sharon Stone, ka zbuluar me anë të një statusi se motra e saj e vogël Kelly është infektuar me Covid-19. Aktorja ka zbuluar pamjet e frikshme nga dhoma ku duket një tub gjigand oksigjeni dhe bën me faj të gjithë ata që nuk mbajnë maskë.
“Motra ime Kelly, e cila ka edhe lupus, tani është me Covid-19. Kjo është dhoma e saj në spital. Një nga ju të ‘jo-maskave’ ia bëri këtë. Ajo nuk ka sistem të fortë imunitar. I vetmi vend ku ka shkelur është një farmaci. Nuk bëhet testim në qarkun ku ajo banon nëse nuk shfaq simptomat. Por edhe nëse e bën testin do duhet të presësh 5 ditë. A mund të përballeni ju me këtë dhomë, vetëm? Vendosni një maskë! Për veten dhe të tjerët. Ju lutem”, shkruan Stone.
Motra e saj mendohet se është shtruar në një spital në Miami, ndërsa disa ditë më parë u izolua pasi u kthye nga një udhëtim së bashku me bashkëshortin e saj.
