Motra e Stines: Flori ngriti gotën ta gjuante, Nesti u vetëmbrojt

Pas incidentit në të cilin u përfshinë Nesti Duka (Stine) dhe Flori Mumajesi me përfundimin e natës finale të ‘’Këngës Magjike’’, motra e Stines rrëfen versionin e saj të ngjarjes per “Panorama”. Sipas këngëtares Alida Duka, vëllai i saj është shpallur i pafajshëm. “Sapo e nxorën të pafajshëm se na stresuan, kjo ka rëndësi për mua tani. U zunë vetëm për pikët, sepse Flori i ka dhënë këngës së Nestit vetëm dy pikë, ndërsa Nesti i kishte dhënë 26 pikë. Stine i kishte thënë se kënga ime nuk ishte për t’u vlerësuar me dy pikë, ndërsa Flori i ishte përgjigjur, nuk e vlerësova këngën por kompozitorin e këngës. Më pas Flori ka ngritur dorën t’i gjuante, në të cilën kishte pasur dhe gotën që po pinte. Nesti ishte mbrojtur, duke ia kthyer gotën mbrapsht.