Ditën e sotme në ‘Instagram’-in e gjithë personazheve të famshëm nuk munguan urimet për nënat, gratë më të rëndësishme në jetën e tyre. Bes Kallaku bëri një urim shumë të veçantë për ditën e 8 marsit, sepse në një postim të vetëm mblodhi të gjitha femrat më të rëndësishme në jetën e tij. Në një fotografi ai kishte bashkuar Ijen, mamin e tij Shpresën dhe bashkëshorten Xhensilën. Por mesa duket një tjetër femër shumë e rëndësishme në jetën e tij ka ngelur paksa e mërzitur nga kjo gjë.
Motra e tij Ana Kallaku i ka shkruar një koment Besit, megjithatë edhe ai ka ditur si t’i kthejë përgjigje. “Po mua lopa më ka bërë? Hajt se flasim zemra e motrës” ka shkruar Ana. Menjëherë pas kësaj ka ardhur përgjigja e Besit, e cila i ka emocionuar e prekur të gjithë. “Ti je akoma e vogla ime, ajo që të rrita unë, edhe nuk të shoh dot si grua, por si e vogla e ‘bait vet’. Të do vëllai shumë” ka thënë Besi. Këto ishin fjalët më të gjetura nga ana e aktorit, sepse tregojnë më së miri marrëdhënien e pandarë motër-vëlla. /revistawho.com
