Dy vëllezërit Mozzik dhe Getinjo edhe pse të rinj në moshë janë dy nga reperat më të suksesshëm në tregun muzikor shqiptar. Pothuajse të gjitha këngët e tyre kanë me miliona shikime në ‘YouTube’. Por ata kanë një njoftim shumë të rëndësishëm për të gjithë fansat që ndjekin muzikën e tyre. Kompania ‘On Records’ me të cilën dy këngëtarët kanë bashkëpunuar për realizimin e këngëve ka fshirë projektet e tyre dhe ata nuk do të jenë më pjesë e saj. Megjithatë ata kanë thënë se vlera e tyre nuk do të shuhet asnjëherë dhe se shumë shpejt do të vijnë me projekte të reja.
