Ditën e djeshme Mozzik dhe e dashura e tij Loredana publikuan bashkëpunimin e parë që mban titullin “Bonnie & Clyde”. Që në minutat e para kënga u prit mjaft mirë nga publiku dhe pa bërë ende 24 orë nga publikimi, ajo ka arritur mbi 1 milionë klikime në ‘Youtube’.
Me sa duket kjo këngë ka hapur dyert e suksesit për dyshen pasi përveçse në vendin tonë, projekti muzikor është duke u dëgjuar edhe përtej kufijve. Nëpërmjet disa postimeve në ‘Instastory’ Mozzik tregon se kënga është duke qëndruar në krye te top listave europiane si, Gjermani, Zvicër dhe Austri. Në Gjermani emri i Mozzik dhe Loredanës është në krye, duke lënë pas artistë të mirënjohur gjermanë./revistawho.com
