Mozzik është një nga reperat më të rinj të tregut muzikor shqiptar dhe në fare pak kohë ka arritur një sukses të jashtëzakonshëm. Por përveç tij, në këtë fushë ka filluar të angazhohet edhe e dashura e tij, Loredana Zefi. Përpara pak ditësh Loredana ka publikuar këngën e saj të parë “Sonnenbrille”.
Në fare pak kohë kjo këngë numëron rreth 12 milionë klikime në ‘Youtube’ dhe ka marrë shumë komente pozitive. Madje duket se është kthyer në këngë hit në clube-t gjermane. Vetë Mozzik ka publikuar në ‘Instagram’ një video, në të cilën shihet se si një grup të rinjsh këndojnë njëzëri “Sonnenbrille”. Ky sukses i Loredanës në eksperiencën e saj të parë si këngëtare e ka lumturuar shumë Mozzik. “Të kam thënë që shumë shpejt do të mbërrish këtu”, – ka shkruar ai bashkangjitur videos. /revistawho.com
