Gjatë vitit 2018 bëri bujë sherri midis reperave më të njohur në Shqipëri. Gjithçka nisi nga videot ofenduese të këngëtarëve Real dhe Blunt kundër Ledri Vulës dhe Gjikos. Në momentin kur menduam se çdo gjë ishte qetësuar, Blunt i kthehet një tjetër këngëtari. Mesa duket, lajmi që dha Mozzik për projektet e reja në vitin 2019, nuk është pritur mirë nga Blunt, pasi ai ka publikuar një video ku shpërthen në ofendime ndaj tij. “Po dëgjoj disa repera që thonë se viti 2019 do jetë i imi, por edhe në vitin 2018 ke thënë të njëjtën gjë dhe nuk ka qenë ashtu. As në vitin 2019 nuk do të ndodhë”. Edhe pse reperi nuk ka përmendur emra, mund ta kuptojmë që i referohet postimit të fundit të Mozzik. /revistawho.com
