Mozzik pranon publikisht se Loredana ka qenë e dashura e vetme e tij

Mozzik dhe Getinjo kanë qenë dy nga të ftuarit specialë të kësaj të shtune në emisionin “Shiko kush luan”. Dy vëllezërit janë bërë pjesë e lojërave të shumta dhe nuk kanë mundur t’ju shpëtojnë disa pyetjeve ngacmuese. Gjatë njërës prej tyre, Mozzik është pyetur se sa lidhje serioze ka pasur në jetën e tij dhe ai ka zbuluar se ka pasur vetëm një. Ashtu siç mund të pritej, ai ka treguar se vetëm Loredana ka qenë e dashura e vërtetë e tij. “Kam pasur vetëm një dhe ajo është nëna e vajzës sime Loredana”, ka thënë Mozzik. Pavarësisht se marrëdhënia mes tij dhe reperes nuk shkoi mirë, duket se vetëm me Loredanën Mozzik ka provuar dashurinë e vërtetë. Madje ata të dy kanë sjellë në jetë si fryt të lidhjes së tyre një vajzë të quajtur Hana. Loredana dhe Mozzik i dhanë fund marrëdhënies disavjeçare pak muaj më parë dhe këtë gjë e konfirmoi vetë reperja përmes një postimi në rrjete sociale. /revistawho.com