Labinot Tahiri njihet në trojet shqiptare jo vetëm si artist dhe deputet, por edhe si njeri me vlera të larta. Ai u ka ardhur gjithmonë në ndihmë njerëzve të tjerë në nevojë dhe për këtë gjë sot është vlerësuar me një medalje të rëndësishme. Kryeministri i Kosovës Ramush Haradinaj e ka nderuar me medaljen “Gjergj Kastrioti Skënderbeu” për veprimtaritë e tij humanitare dhe angazhimin e çmuar politik.
https://www.instagram.com/p/Byr8gTuByte/
Pas kësaj Labinoti ka marrë urime të shumta nga miqtë e tij, ndërsa Mozzik i ka dedikuar disa fjalë shumë të veçanta. Ai ka publikuar një foto pranë kolegut të tij dhe bashkangjitur saj ka shkruar: “I thash: Lab më në fund kanë filluar shumë njerëz, që dikur nuk besonin në shpirtin tënd, të të kuptojnë nga ana njerëzore. I ka kënaqur njerëzit me zërin e tij e vazhdon ende me muzikë… por më e mira është që prej kohësh ka filluar t’i kthejë buzëqeshjen shumë familjeve me ndihmën e Zotit dhe dashamirësve të tij”.
https://www.instagram.com/p/BysLKY_Cuum/
Më tej Mozzik ka thënë se si ai dhe Tahiri kanë të njëjtin qëllim, që t’i shtojnë vlerat kombit shqiptar. “Që të dy një qëllim të përbashkët: ‘T’i rrisim vlerat kombit tonë’. Bëje një të mirë sot…ndoshta nesër dikush motivohet”, ka shkruar reperi. Kujtojmë se kohët e fundit emri i Mozzik ka qenë mjaft i lakuar në media për shkak të një skandali të tij dhe partneres në Zvicër, por përmes këtij postimi ai ka treguar se është i vendosur për të vazhduar për të vërtetuar të kundërtën. /revistawho.com
