Mozzik është një ndër reperët më të pëlqyer të momentit. Me projektet e tij të shumta ka ditur si të fitojë zemrat e publikut. Në fillim ai e nisi karrierën si pjesë e studios muzikore “One Records” dhe vetëm pak kohë më parë u bë e ditur se reperi ishte larguar.
Edhe pse tani e shohim ta ketë shumë të thjeshtë rrugën e karrierës, më parë duket se nuk ka qenë kështu. Nëpërmjet disa postimeve në ‘Instastory’ Mozzik ka treguar vështirësitë e mëdha që i janë dashur të kalojë për t’u bërë pjesë e muzikës dhe mund të themi se janë me të vërtetë shumë. Ai tregon se i është dashur të heqë dorë nga shkolla kur ishte ende i vogël.
“Bëj muzikë se jetoj. Nga fillimet e mia e kuptoni se unë kam lindur nga lagjet e errëta, por të sinqerta. Unë kam ikur nga shkolla për të shkuar në studio. Unë kam fjetur në studio. Janë shumë sakrifica, nëse filloj nuk ndalem dot. Por ju mos u dëshpëroni nga ëndrrat. Lutuni për të mira dh ëndrra sepse ato duhen. Nuk kam studiuar shumë sepse 8 klasë shkollë kam, por ju flas nga eksperienca”.
Kujtojmë se Mozzik është duke përjetuar një histori dashurie me Loredanën dhe përflitet se ajo është në pritjen e ëmbël./revistawho.com
