‘MTV Europe Music Awards’: Dua Lipa nominohet në 4 kategori

Në nëntor të këtij viti në Spanjë do të mbahet ceremonia e ndarjes së çmimeve ‘MTV Europe Music Awards’. Janë gjithsej 15 kategori dhe në to janë të nominuar këngëtarët më në zë të momentit. Listën e nominimeve e kryeson Camila Cabello, e cila është e nominuar në 6 kategori. Ndërsa pas saj vjen Ariana Grande e nominuar në 5 kategori. Këto nominime duhet të jenë një arritje e madhe për dy këngëtaret, duke qenë se vitin e kaluar Camila u përfshi vetëm në një kategori, ndërsa Ariana në dy. Gjithashtu nuk mund të lihet pa përmendur edhe nominimi i këngëtares me origjinë shqiptare Dua Lipa në 4 kategori. Përkrah Duas renditen edhe Drake dhe Shawn Mendes. Mbrëmja e ‘MTV EMA 2018’ do të organizohet në 4 nëntor. /revistawho.com