Në mes të gjithë zhurmës që ka përfshirë rrjetet, Ermal Mamaqi ka dalë publikisht për të shuar, ose ndoshta për të shtuar, debatin që nisi pas përplasjes së tij me Ema Andrean në “Goca dhe Gra”. Në një lidhje direkte për “Shqipëria Live”, aktori u mundua të shpjegojë situatën, duke theksuar se nuk ka pasur asnjë synim ta lëndojë kolegen e tij.
Me tone të qeta, Mamaqi përsëriti se qëllimi i tij nuk ka qenë asnjëherë ofendimi dhe shtoi: “Nëse Ema është ndjerë e ofenduar, megjithëse ne u takuam më pas edhe u ndamë shumë miqësisht… i kërkoj vërtet ndjesë.”
Sa i përket videos që ndezi rrjetin, aty ku ai përdori shprehjen që bëri xhiron e TikTok-ut – “Mu prish gjiza” – aktori tregoi se s’kishte ndërmend të hapej një tjetër cikël polemikash. Sipas tij, gjithçka ishte thjesht pjesë e mënyrës së tij të të bërit humor:
“Për punën e gjizës, kjo është një gjë tjetër… lidhet me pjesën time si komik… është një gjë që më karakterizon.”
Ai shtoi se shpesh përdor humorin si formë reagimi për lajmet që shpërndahen mbi të:
“Unë bëj vazhdimisht një formë marketingu me humor… i kthej përgjigje njerëzve që u shqetësuan kaq shumë për refuzimin sikur të kishte ndodhur ndonjë gjë… do bjerë qeveria nëse s’do vij Ema, kjo ishte për humor.”
Edhe pse Mamaqi u përpoq ta mbyllte kapitullin me sqarime, rrjetet duket se kanë ende shumë për të thënë… dhe drama vazhdon.
