Nëse 2020 për ju ka qenë një makth pafund dhe mezi prisni që t’i jepni lamtumirën, për disa të tjerë ky ka qenë një vit shumë i ëmbël dhe i mbushur plot gjëra të mira. Jonida Vokshi është një ndër to. E ftuar sot në mëngjes në Wake Up në “Top Channel”, aktorja dhe moderatorja, me fytyrë që i shndriste gjithë kohën nga lumturia, ka folur rreth projekteve kinematografikë dhe jo vetëm. Përballë Orit dhe Islit Jonida ka pohuar se ndonëse gjithë muajt e karantinës ishte larg prindërve, teksa shijonte pritjen e ëmbël, sërish ka qenë shumë e lumtur pasi ky vit i ka dhuruar emocionet më të bukura.
E nuk kishte si të ishte ndryshe, pasi këtë vit Jonida u bë nënë për herë të parë me vogëlushen e saj, Emi.
Në përfundim të bisedës, Vokshi zbuloi se deri më tani ka pasur edhe një ofertë për drejtimin e festivalit të fundivitit në TVSH. “Po e mendoj”, tha ajo, e papërgatitur për të zbuluar më shumë, por thellesisht e lumtur që në këtë vit, kur gjithë njerëzia ankohet, ajo ka kaq shumë gjëra të bukura për të ndarë me të tjerët./revistawho.com
