Bar Refaeli nuk ndalet. Modelja tanimë shtatzënë, vazhdon stërvitjet e saj të përditshme. Me barkun që i është rritur dukshëm dhe me pesha në duar, ajo vazhdon përpjekjet para pasqyrës për të qëndruar në formë. “Pa justifikime, pa tualet, pa filtra dhe pa muskuj”, bën Refaeli ironi në rrjetet sociale. Bar 30-vjeçare, gjithnjë e kujdesshme për privatësinë e saj, ka vendosur të tregojë pritjen e ëmbël në profilet “online”. Kjo duke filluar që nga gëzimi i parë me testin e shtatzënisë në fillim të këtij viti, deri tek pushimet në Greqi të muajit të fundit. Modelja dhe bashkëshorti i saj Adi Ezra presin fëmijën e tyre të parë që është vajzë.
